Eldreveven

Nettstad av og for eldre

www.eldreveven.no

Alle menneske sit inne med skapande evner, og kreativitet forsvinn ikkje med alderen. På nettstaden Eldreveven.no kan du oppleve forteljingane – tankane, minna, draumane og håpa frå dei som har levd ei stund. I jubileumsåret for Olav H. Hauge og Geirr Tveitt kan du få med deg gode historiar om kunstnarane gjennom stemmene til folk frå heimtraktane deira.

Desse historiane vert utforma og bildesett på ”forteljar-verkstad” som vart skipa til i Norheimsund i mai og juni. Ti personar frå Kvam og Ulvik vart inviterte til å fortelje om sitt møte med Tveitt eller Hauge – med personen eller kunsten. Dei fortalte alt frå pussige episodar til personlige minne. Deltakarane fekk profesjonell hjelp med opptak og bildesetting av forteljingane sine, som no er å finne på Eldreveven.no.

Nettstaden er ein nasjonal nettstad med kreative tekstar av og for eldre, støtta av ABM-utvikling. Hordaland fylkesbibliotek har ansvaret for drifta. Mediesenteret ved Høgskolen i Bergen arrangerer forteljarverkstaden.

For meir informasjon, sjå http://www.eldreveven.no/?action=flashvideo

Foto: Olav H. Hauge og Einar Økland i god passiar. (Jan Erik Vold)