Filmen er ein detektivhistorie i klassisk film noir-stil der me nøstar opp i kva som eigentleg hendte med Baldurs Draumar då det forsvinn og dukkar opp fleire gongar.

Denne balletten fyl Tveitts liv frå han i tjueåra set i gang å skriva det, til det vert framført i Aulaen i Oslo 1938, forsvinn i fylge Tveitt i eit bombeangrep i London under krigen, vert skrive i ny versjon av Tveitt på slutten av 40-talet og framført nede i Europa og Nord-Afrika til 1970 då huset til Tveitt og 4/5-delar av heile hans musikalske produksjon går opp i flammar. Etter Tveitts død vert det gjort eit oppsiktsvekkande funn i brannruinanet: nemleg Baldurs Draumar. Det verket som forsvann under blitzen i London låg i huset heima på Tveitt. Korleis var det mogeleg? På grunnlag av dette partituret og eit lydopptak frå 1938 vert Baldurs Draumar rekonstruert og framført i Grieghallen i 2002. Men historia sluttar ikkje der...

Me har elles under opptaka vore i Hardanger, Bergen, Oslo, Leipzig og Marokko der me blandt anna leigde eit piano som me festa mellom to dromedarar og rei ut i ørkenen for å spela for beduinane slik Tveitt gjorde då han konserterte i Nord-Afrika på 50-talet.

Filmen skal visast på NRK 15. juni, og får kinovisningar 8. juni i Drammen, og under Hardingtonar 22. juni.